Oyun zamanı AFFA hakimlərinin rüşvət aldığını sübut edən
HK sədri 2001-ci il iyulun 28-də UEFA kubokunda “Osiek” (Xorvatiya) və “Dinaburq” (Latviya) arasındakı oyunda rüşvət alıb
Ölkə.az sportinfo.az-a istinadən xəbər verir ki, matçı idarə edən Asim Xudiyev, Rufulla Kərimov və Ramiz Əsədov bunu birlikdə həyata keçiriblər.
Yayılan videoda eşidilir ki, Xaqani Məmmədov latviyalılar tərəfindən edilən təklifi laysmana çatdırır və onun baş hakimə deməsini istəyir. Asim Xudiyev təklifdən sonra xorvatiyalıların məğlubiyyətinə çalışsa da, buna nail ola bilməyib.
Ölkə.az məsələylə bağlı oyunun baş hakimi olmuş Asim Xuduyevlə əlaqə saxlayıb. Keçmiş hakim bunları söyləyib:
"Mən oyun vaxtı elə bir şey eşitməmişəm. Bu on dörd il əvvəl baş tutan qarşılaşmadır. Sadəcə indi kimsə kiməsə pislik eləmək istəyir və bu yola əl atıb. Düşünürəm qarşılaşma ədalətli şəkildə idarə edilib. Bu hansısa üsulla düzəlmiş qurama da ola bilər. Bu haqda mənə çox suallar ünvanlanır. Oyun yadımdadır, ancaq olanlar yadımda deyil. Xəqani Məmmədovun dediklərini eşitmirdim. Oyunda təxminən 10-15 min tamaşaçı var. Belə vəziyyətdə deyilənləri eşitməmək mümkündür"
Əməkdaşlarımız Xaqani Məmmədovla əlaqə saxlamağa cəhd etsə də, sədr telefon zənglərimizə cavab verməyib.
Həmin videonu sizlərə təqdim edirik:
Qeyd edək ki, həmin qarşılaşma "Osiek" (Xorvatiya) 1:0 qələbəsi ilə başa çatıb. Nəticəyə əsasən növbəti mərhələyə xorvatlar çıxıb.
