Maşınını parkinqdə saxladı, mismar batırdılar – Şikayət

Avtomobilini “Azparkinq” məntəqəsində saxlayan vətəndaşın başına iş gəlib.

Ölkə.Az xəbər verir ki, bu barədə o, sosial şəbəkələrdə paylaşım edib. Vətəndaş saxta “parkovşik”in onun avtomobilinə ziyan vurduğunu iddia edib.

“Bu gün başıma gülməli bir hadisə gəldi. “Azparking” olan yerdə maşını park etdim. Bu zaman ortayaşlı bir kişi yaxınlaşdı ki, bura mən baxıram. Deyirəm, azparkinqdir, necə yəni bura sən baxırsan? Bir az deyindi. 1 saat sonra işə gedərkən yolda görürəm ki, təkərə mismar girib, sürətlə hava buraxır. Maşında əvvəldən problem olsaydı, avtomatik ekranda göstərərdi. Sırf oradan çıxanda bu baş verdi”,- o qeyd edib.

Emin Yaşar adlı digər sosial şəbəkə istifadəçisi isə bildirib ki, daha əvvəl də parkinqdə çalışan şəxsə pul vermədiyi üçün onun avtomobilinə sprey boya vurublar.

Sosial şəbəkə istifadəçiləri arasında mismarın daha əvvəl batmış ola biləcəyini deyərək şikayətçini tənqid ediblər. Tənqidlərə cavab olaraq avtomobil sahibi bildirib ki, parkinq işşçisi olduğunu iddia edən şəxs onunla xoşagəlməz tonda danışıb və pul istəyib.

Billurə