Dindirilən Qüds qüvvələri komandiri Kaani infarkt keçirib - KİV

İranlı briqada generalı və Qüds Qüvvələrinin komandanı İsmayıl Kaani İsraillə kəşfiyyat əlaqələrini saxlamaqda şübhəli bilinərək Tehranda istintaqa cəlb edilib və dindirilib.

Ölkə.Az "Sky News"a istinadən xəbər verir ki, Kaani kəşfiyyat məlumatlarının sızması ilə bağlı sorğu-sual edilib və istintaq zamanı infarkt keçirib, daha sonra xəstəxanaya yerləşdirilib.

Qeyd edək ki, Nəsrullahın ölümündən sonra İran İnqilab Keşikçiləri İsrailin Hizbullaha necə sızdığı və liderlərinin yerini necə tapdığı ilə bağlı araşdırmalara başlayıb.

Nəşrin məlumatına görə, İsrailin hücumu zamanı Kaani hücum yerində olmayıb. Mənbələr araşdırmalar davam edərkən Kaaninin həbsdə saxlandığını bildirib.

“The New York Times” qəzeti Kaaninin hücumdan əvvəl Beyrutdakı Hizbullah qərargahını ziyarət etdiyini yazıb. 

Mürtəza
Ölkə.Az