Nazirlərin işdən azad edilməsinə fərqli münasibətlər

Prezident kimi istəyir nazir təyin edir, kimi istəyir işdən azad edir; Uzun müddət işləyən nazirlərin dəyişməsi müsbət hadisədir; Əli Abbasovun işdən azad edilməsinin "MTN işi" ilə əlaqəsi var

Eldar Mahmudov və Əli Abbasovun nazir postu vəzifəsindən azad edilməsinin bir-birilə əlaqəli olduğu iddia edilir.

Buna səbəb o gətirilir ki, Eldar Mahmudov nazir postundan azad edildikdən sonra MTN-nin Monitorinq Mərkəzinin (telefonların dinlənilməsi idarəsinin) əməkdaşları həbs edildi, daha sonra bu məsələ ilə bağlı Rabitə və Yüksək Texnologiyalar Nazirliyinin əməkdaşları istintaqa cəlb edildi və ardından Rabitə və Yüksək Texnologiyalar naziri işdən azad edildi. Əli Abbasov nazir postundan qovulandan sonra nazirliyin 10-a yaxın əməkdaşı hüquq mühafizə orqanları tərəfindən saxlanılıb.

Məsələ ilə bağlı millət vəkili Siyavuş Novruzov, politoloq Zərdüşt Əlizadə və Azərbaycan Sosial Demokrat Partiyasının sədri Araz Əlizadə Ölkə.Az-a danışıblar.

Siyavuş Novruzov: "Nazirlərin işdən azad edilməsi və vəzifəyə təyin edilməsi prezidentin səlahiyyətinə aid məsələdir. Prezident kimi istəyir nazir təyin edir, kimi istəyir işdən azad edir.

Zərdüşt Əlizadə: "Nazirlərin işdən azad edilməsi ilə bağlı informasiyaları ancaq mətbuatdan oxuyuram. Sözün düzü mediamızın yazdığına inanmıram. Ona görə ki, bizdə mətbuatın məlumat mənbələri çox məhduddur və etibarlı deyil. Uzun müddət işləyən nazirlərin dəyişməsi müsbət hadisədir".

Araz Əlizadə: "Əli Abbasovun işdən azad edilməsinin "MTN işi" ilə əlaqəsi var. Rabitə naziri MTN-nin əmrini yerinə yetirirdi. Əli Abbasovun Eldar Mahmudova cürəti çatmadı desin ki, bu məsələ qeyri-qanunidir".

Səxavət Məmməd
Ölkə.Az