Peşmərgə Sincarı İŞİD-dən təmizlədi

Kürd Demokrat Partiyasının yadığı açıqlamada Şimali İraqdakı yezidi kürdlərin yaşadığı Sincar şəhərinin İŞİD-dən geri alındığı bildirilir.

Ölkə.az xəbər verir ki, KDP-nin xarici əlaqələrdən cavabdeh rəsmi nümayəndəsi Hemin Haşrami xəbəri təsdiqləyib. Onun sözlərinə görə, Sincarın İŞİD-dən geri alınması üçün 7 minə yaxın peşmərgə qüvvəsi cəlb olunub və bu saatlarda Sincar tamamilə İŞİD-in nəzarətindən çıxıb.

Hemin Haşrami PKK-nın Sincarı onların İŞİD-dən geri aldığı haqda yayılan xəbərlərə isə belə cavab verib:

"Sincarı peşmərgə azad edib. PKK-nın bu əməliyyata heç bir aidiyyatı yoxdur. Biz illərdir İŞİD-lə müharibə aparan zaman PKK harada idi? İndi PKK-nın qələbə şərik olmaq istəməsi həqiqətən gülünc doğurur".

İŞİD-ə yaxın olan media qurumlarında yayılan xəbərlərdə isə terror təşkilatının Sincardan çəkilməsinin taktika olduğu bildirilir. Məlumatlarda İŞİD-in peşmərgənin niyyətindən əvvəlcədən xəbərdar olduğu və Sincardakı yaraqlılarını dünən gecədən oradan çıxardığı qeyd olunur.

Xatırladırıq ki, Məsud Bərzaninin rəhbərliyi altında 7 mindən çox peşmərgə NATO aviasiyasının havadan dəstəyi ilə dünəın gecədən başladığı əməliyyatla yezidi kürdlərin yaşadığı Sincar rayonunu İŞİD yaraqlılarından təmizləyib.

Ölkə.az