"Çocuklar duymasın"ın aktrisası: ABŞ kəşfiyyatı mənə agent olmağı təklif etmişdi - FOTO
Türkiyə istehsalı populyar “Çocuklar duymasın” serialında Meri obrazını canlandıran aktrisa Demet Tuncer açıqlaması ilə diqqət çəkib.
Ölkə.Az GZT-yə istinadla xəbər verir ki, aktrisa ABŞ-də təhsil aldığı illərdə Mərkəzi Kəşfiyyat İdarəsinin (CİA) ona agent olmağı təklif etdiyini deyib.
D.Tuncer bildirib ki, qurum ona universitetin professoru vasitəsilə xəbər göndərib:
“Cəmi 15 yaşım olanda Türkiyəni təmsil etmək üçün ABŞ-Türkiyə birgə təqaüdü qazandım və United World College (UWC-USA) tərəfindən tam təqaüd aldım. Beynəlxalq bakalavr diplomumu aldıqdan sonra universitet təhsilimi ABŞ-də başa vurdum və sonra Türkiyəyə qayıtdım.
Beynəlxalq təhlükəsizlik dərsi keçən və MKİ-də analitik işləyən professorla bir neçə məqalə üzərində birlikdə işləmişdik. Karyera həftəsində bir çox firma təqdimat üçün universitetə gəldi. Həmin həftə müəllimim mənə maraqlı bir sualla yaxınlaşdı. “Demet, agentlikdə işləmək istəyirsən?” dedi.
Mən də sual qarşısında təəccüblənərək “mənim agentliklə nə işim ola bilər” dedim. Daha sonra professor Mərkəzi Kəşfiyyat İdarəsinin (MKİ) məni niyə istəməsini izah etdi.
“Səni ölkəndə yüksək səviyyəli bürokrat və ya diplomat edəcəklər, yeri gələndə isə səndən yalnız bir şey istəyəcəklər”cavabını verdi”.
Aktrisa söyləyib ki, təklifə “nə ailəmi sataram, nə də ölkəmi” deyərək rədd cavabı verib.
Qeyd edək ki, D.Tuncer serialda Haluk və Selami obrazlarının müdiri olan Merini canlandırırdı.
Billurə
