İranın neft emalı zavodunda güclü yanğın - ölən və yaralananlar var

İranın cənub-qərbində, Xuzistan əyalətinin Şüştər rayonunda neft emalı zavodunda güclü yanğın baş verib.

Ölkə.Az xəbər verir ki. yanğın barəsində İran dövlət televiziyasına danışan Xuzistan əyalətinin Şüştər mahalının valisi Muhsin Seyidmusevinin sözlərinə görə, neft emalı zavodunda baş verən yanğında 1 nəfərin ölüb, 4 nəfər yaralanıb.

Vali Seyidmusevi bildirib ki, ilkin ehtimallara görə, hadisə neft tankerlərindən birinin neft emalı zavodunda benzin çənlərinə çırpılması nəticəsində baş verib.

Digər tərəfdən, yanğının böyüklüyünə görə rayondakı yanğınsöndürmə briqadasının müdaxilə etmək üçün kifayət etmədiyi, yanğına müdaxilə etmək üçün Əhvaz şəhərinin gücləndirici dəstələrinin bölgəyə göndərildiyi bildirilib.

Mürtəza