İndi biz nə edək ki, "Qurani Kərim" başdan-ayağa əxlaqdır - Deputat

"Vaxtilə Anadolu Türk Liseyi açılanda səfir məndən xahiş edib ki, Aərbaycan tarixini tədris edim. Orada bir "Din kültürü" dərsi var idi. Bizim uşaqlar da məktəbdə olduğu kimi, qaçır, qovur, partanı yazır, qışqırırdılar. Bir aydan sonra gördüm ki, uşaqların səsi gəlmir. Direktordan soruşdum ki, neylədiniz? Dedi, imkanınız varsa, "Din kültürü" dərsimizdə oturun". 

Ölkə.Az xəbər verir ki, bunu “Müasir dini təhsil modelləri ənənələr və qlobal çağırışlar kontekstində” respublika elmi-praktik konfransda çıxışı zamanı Milli Məclisin Elm və təhsil komitəsinin sədri Anar İsgəndərov deyib.

"O dərsdə halal nədir, haram nədir, valideyn nədir, atanın borcu nədir öyrədilirdi. 
Orada din yox idi, əxlaq var idi. İndi biz nə edək ki, "Qurani Kərim başdan-ayağa əxlaqdır?! 
O kitabda tədris olunanlar sovet dönəmindəki əxlaq kodeksi ilə eyni şey idi. Bircə orada "şəriət" və "Quran" sözləri yazılmışdı. Qalan hamısı eyni şey idi. Ona görə də fikirləşirəm ki, bu gün yeni modellərə ehtiyac var. 

Bunu yenə deyirəm ki, İlahiyyat İnstitutuna  ümidlə baxıram".

Billurə Yunus