Masallıda sel evi dağıtdı

Masallı rayonunda daşqına məruz qalan evin bir otağı uçub, digər iki otağı isə qəzalı vəziyyətə düşüb.

Ölkə.Az xəbər verir ki, hadisə rayonun Mollaoba kəndində baş verib. Kənd sakini 47 yaşlı Əvəz Ağabala oğlu Baxşıyevə məxsus yaşayış evi sel sularına məruz qaldığı üçün uçub.

Hadisə gecə saatlarında baş verib. Evdə yaşayan ailə qonşu otaqda yatdığı üçün xəsarət alan olmayıb.

Ev sahibi Ə.Baxşıyev bildirib ki, evin bir otağı iki il əvvəl baş verən daşqınlar zamanı uçub. (Region TV)

Ölkə.Az