Olland Parisdəki terrorun arxasında duranlardan danışdı

İŞİD terror təşkilatının olduğunu bildirib

Ölkə.Az xəbər verir ki, Fransa prezidenti Fransua Olland Parisdəki terror hadisəsi ilə bağlı canlı yayımda çıxış edib.

Fransa ərazisində 3 günlük matəmin elan olunduğunu bildirən Olland təhlükəsizliyin gücləndirildiyini ifadə edib.

Prezident Parisdəki terror hadisəsinin arxasında İŞİD terror təşkilatının olduğunu bildirib.

Qeyd edək ki, Olland Antaliyada keçiriləcək G20 sammitinə iştirakdan imtina edib. Onun bu hərəkəti Parisdə ötən gün baş verən dəhşətli terror hadisəsi ilə bağlıdır.

Hadisə ilə bağlı Elisey Sarayında Nazirlər Kabinetinin təcili toplantısı keçirilib.

Toplantıda terrorla mübarizə yolları müzakirə edilib.

Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb.

Rəşid Mustafazadə

Ölkə.Az