D18 Hərəkatınnın başqanı Fransaya başsağlığı verdi

D18 Hərəkatının başqanı Ruslan İzzətli noyabrın 13-də Fransada baş verən terrorla bağlı başsağlığı yayıb.

Başsağlığında deyilir:

“Noyabrın 13 də Fransada baş verən terror hadisəsi bizi çox kədərləndirdi. Terror nəticəsində 100 nəfərdən çox insanın həyatını itirməsi, eyni zamanda yüzlərlə insanın yaralanması bir faciədir. Bu acı faciə ilə əlaqədar Fransa xalqına özümün və rəhbərlik etdiyim D18 Hərəkatı adından başsağlığı verirəm. Terrorun dili, dini, irqi olmaz. Terrora qarşı bütün dünya mübarizə aparmalıdır. Təəssüflər olsun ki, din adı ilə formalaşan radikal qüvvələrin hər biri istənilən ölkədə terror törədə və yüzlərlə günahsız insanın həyatına son qoya bilər. İŞİD və bunun kimi terror təşkilatlarının İslam adı aıltında bu cür vəhşiliklər törətməsi bizləri çox üzür. İslam barışıq, qardaşlıq, sülh dinidir. Bu cür amansızlıq edənlərin İslam dini ilə heç bir əlaqəsi ola bilməz! İnanıram ki, Fransa dövləti də bunu belə qəbul edir”.

Ölkə.az