Rusiyanın 102-ci hərbi bazası blokadaya düşüb

Bu günlərdə Rusiyanın "Həftənin arqumenti" qəzeti yazıb ki, Ermənistanda yerləşən Rusiyanın 102-ci hərbi bazası blokadaya düşüb. 

İş ondadır ki, Gürcüstan və Türkiyə Rusiyanın hərbi nəqliyyat aviyasiyası üçün öz hava məkanlarını bağlayıb.  

Bu bazaya isə hər şey təyyarələrlə gətirilir. Başqa nəqliyyat yolları yoxdur. Nəşr yazır ki, İrəvan və Gümrüdəki Rusiya qornizonu hərbi texnika və azuqədən çətinlik çəkmir. Lakin qeyd edilir ki, müdafiə naziri Şoyqunun tələb etdiyi intensiv rejimdə hərbi təlimdə silah-sursatla təminat məsələsi baza komandirlərinin narahatçılığa səbəb olur. 

Qəzetin müraciət etdiyi Rusiya XİN-də mövcud vəziyyəti təsdiqləyib və onu çətin həll edilən adlandırıb. Adi qeyddir. Amma Ermənistanda onu düşmənlərinin, yəni rəsmi Bakının əlində görüb sensasiya ediblər. Erməni mətbuatında Azərbaycanyönlü adlandırılan və Ermənistanın ziyanına olan materialı dərc edən qəzet də payını alıb.

Şükür Allaha ki, Bakını Gürcüstan və Türkiyəni hava məkanını bağlamağa vadar etməkdə ittiham etməyiblər. 

Ermənistanda genişmiqyaslı antiAzərbaycan təşvişi genişlənir. Hətta daxili problemlərdə belə bu ölkə ilk növbədə Azərbaycanı günahlandırır. 

Məsələn, ötən gün KTMT baş katibi Bordyuja ilə söhbətdə Ermənistan prezidenti Serj Sarkisyan ona şikayət edib ki, hərbi blok üzrə tərəfdaşlardan bəziləri Dağlıq Qarabağ məsələsinin müzakirə edildiyi xüsusilə beynəlxalq arenada Ermənistanı dəstəkləmir. Əksinə Azərbaycanın mövqeyinə meyillidirlər. Düzdür Sarkisyan konkret partnyorun adını açıqlamayıb. 

İş ondadır ki, kimim kim olduğunu anlamağa başlayanların sayı artır. Sarkisyanın və onun komandasının bu hərbi bloku Dağlıq Qarabağdakı münaqişəyə çəkmək cəhdləri daima fiasko ilə nəticələnir. Artıq erməni yalanları işə keçmir.

Ölkə.az