Putinlə Paşinyan görüşəcək 

Rusiya prezidenti Vladimir Putin və Ermənistanın baş naziri Nikol Paşinyan Kazanda keçiriləcək BRİKS sammiti çərçivəsində ünsiyyət qurmaq imkanlarına malik olacaqlar.

Ölkə.Az xəbər verir ki,  bunu Rusiyanın İrəvandakı səfiri Sergey Kopırkin deyib.
Diplomatın fikrincə, İrəvan təşkilatla dialoq qurmaq istəsə, Moskva bu işdə ona kömək edəcək.
"Mən inanıram ki, bizim liderlərimizin ünsiyyət imkanları olacaq. Lakin hansı formatda və hansı gündəmlə... Bu,  çox gərgin beynəlxalq forumun proqramından asılı olacaq", -  səfir bildirib.
Səfir hesab edir ki, İrəvan BRİKS ilə dialoq qurmaq qərarına gələrsə, Moskvanın “köməyinə arxalana bilər”. Bununla belə, o xatırladıb ki, Paşinyan əvvəllər quruma qoşulmaq niyyətinin olmadığını bildirib.

 Mürtəza
Ölkə.Az