Paris hücumlarına görə konsertlər təxirə salınır

Motorhead, Coldplay və Foo Fighters qrupları da U2-ya qoşularaq Paris hücumlarına görə konsertlərini təxirə salıblar. 

Bazar ertəsi Parisdə konsert verməli olan Foo Fighters, Avropa turunu “ağlagəlməz zorakılıq fonunda” təxirə salıb. Bazar günü Parisdə konserti planlaşdırılan Moterhead rok qrupu, konsertin vaxtını yanvar ayına dəyişib. Coldplay isə, “Parisdəki dəhşətli hadisələrə görə” konsertin canlı yayımını ləğv edib. Cümə günü hücumlar konsert zalı, stadion, restoran və barlarda həyata keçirilib.
Həyatını itirmiş 129 nəfərdən 89-u silahlı şəxslərin Bataclan konsert zalına hücumu nəticəsində ölüb. Həmin vaxt ABŞ-ın rok qrupu çıxış edib. Qrup üzvlərindən xəsarət alan olmayıb.

“Parisdəki hər kəsin kədərinə şərik çıxaraq, növbəti turumuzu təxirə salmalı oluruq,” Foo Fighters Facebook səhifəsində yazıb. Qrup bazar günü Turin, cümə axşamı isə Budapeştdə çıxış etməli idi. Parisdəki vəziyyətin ciddiliyini nəzərə alaraq, konsertimizi yanvar ayınadək təxirə salırıq,” Motorhead tvit edib.

Bataclan-da bazar günü və bazar ertəsi konserti planlaşdırılan və hücumlar zamanı Parisdə olan ABŞ-ın Deftones rok qrupu da konserti təxirə salıb. “Bizimlə bağlı narahat olduğunuz üçün hamınıza minnətdaram,” qrup Facebook-da yazıb. Coldplay isə Los Angeles-də keçiriləcək konsertin canlı yayımını ləğv edib. Parisdə bazar günü konserti planlaşdırılan U2 axşamı Bataclan teatrına gül düzməklə keçirib.

“Bu çox kədərlidir. Bunlar bizim insanlarımızdır,” ifaçı Bono İrlandiyanın RTE Radiosuna bildirib. Bir çox musiqi ulduzu Twitter-də hücumlar barədə kədərini bölüşüb. Fransada hücumlarla bağlı üç günlük matəm elan edilib. (musavat)

Ölkə.Az