Terrorçuların avtomobili tapıldı

5 və 19 nəfər qətlə yetirilib

Ölkə.Az xəbər verir ki, Fransa polisi Parisin mərkəzində kafe və restoranlara atəş açan terrorçuların qara "Seat" markalı avtomobilini aşkar edib.

Paris prokuroru Fransua Molyanın sözlərinə görə, terrorçular bu avtomobillə hərəkət edərək De Lya Fonten o Rua küçəsindəki pizza evi və De Şaronn küçəsindəki "La Belle équipe" barının müştərilərinə atəş açıblar.

Məhz bu hücumlarda 5 və 19 nəfər qətlə yetirilib.

Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb.

İŞİD terror təşkilatı Parisdə baş verən terror aktlarına görə məsuliyyəti öz üzərinə götürüb. İŞİD hücumları Suriya üçün "Vendetta" adlandırıb.

Rəşid Mustafazadə

Ölkə.Az