Şair Kamal Hüseynzadənin “Darıxır” adlı şeir kitabının təqdimatı olub

27 oktyabr 2024-cü il tarixində şair Kamal Hüseynzadənin “Darıxır” adlı kitabının təqdimatı keçirilib.

“Ölkə.Az” xəbər verir ki,  tədbirdə şairin oxucuları ilə yanaşı Azərbaycan ədəbiyyatının tanınmış simaları iştirak edib.

Tədbirdə çıxış edən Azərbaycan Yazıçılar Birliyinin katibi İlqar Fəhmi son dövrlər gənclərin şeirə marağının artmasından və bunun sevindirici hal olmasından danışıb. O, eyni zamanda K.Hüseynzadənin yaradıcılığında özünəməxsus poetik yanaşmanın olmasını ön plana çəkib. 

Azərbaycan Yazıçılar Birliyinin Xəzər bölməsinin sədri Arif Buzovnalı öz növbəsində K.Hüseynzadənin bədii istedadı ilə yanaşı yüksək insani keyfiyyətlərindən də söz açıb. A.Buzovnalı oxucuları “Darıxır” kitabını əldə edib oxumağa səsləyib.

Çıxışlardan sonra oxucular şairə suallar ünvanlayıb, onun yaradıcılığında maraqlı məqamlarla daha yaxından tanış olublar.

Tədbirin sonunda müəllifin imza mərasimi baş tutub,

Qeyd edək ki, K.Hüseynzadə Azərbaycan Yazıçılar Birliyinin (AYB) üzvü və AYB-nin Xəzər bölməsinin nəzdində "Xəzər" poeziya klubunun sədridir. “Darıxır” adlı kitab şairin ilk kitabıdır. Kitabı şəhərimizin kitab satışı mağazalarından əldə etmək mümkündür.