Kadırovdan intiqam vədi: Məhv edəcəyik

Yaxın vaxtlarda düşmənə xəyal edə bilmədiyi bir cəza veriləcək. 

Ölkə.Az xəbər verir ki, bunu Çeçenistan rəhbəri Ramzan Kadırov Ukraynanın Qudermesdəki Rusiya Xüsusi Təyinatlı Qüvvələr Universitetinə hücumuna reaksiyanın necə olacağı ilə bağlı sualı cavablandırarkən deyib. 

“Cavab mütləq olacaq. Onlar bizi sancdılar, biz isə məhv edəcəyik. Yaxın gələcəkdə heç ağıllarına belə gətirmədiyini onlara göstərəcəyik. Bizimlə zarafat etməyə icazə verməyəcəyik. 

Mən bu gün ön cəbhədə olan bütün komandirlərə təlimat verdim ki, əsir götürməyin, məhv edin və döyüşü 100 faiz daha da gücləndirin. Onlar çeçenlərin hələ də hərbi imkanlarını necə artıra biləcəklərini başa düşsünlər”, -  Kadırov deyib.

Mürtəza
Ölkə.Az