Azərbaycanda internet bu səbəbə görə kəsilə bilər

Azərbaycanın 90%-i internetsiz qalıb

Ölkənin əsas internet təchizatçısı Delta Telekomda problemlər yaranıb.

İddia olunur ki, Rabitə və Yüksək Texnologiyalar naziri Əli Abbasovun işdən azad edilməsindən sonra bu məsələ süni şəkildə yaradılıb.

Metropoliten idarəsinin rəisi Tağı Əhmədov vəzifəsindən azad ediləndən sonra bir müddət metroda problemlərin yarandığı yəqin heç kimin yadından çıxmayıb. O zaman da bildirilirdi ki, Tağı Əhmədovun adamları qəsdlə bu addımı atır. Ölkənin internetsiz qalmasında Əli Abbasovun və yaxud adamlarının əlinin olduğu iddia edilir.

Ölkədə qəflətən internetin kəsilməsini Azərbaycan İnternet Forumunun prezidenti Osman Gündüz Ölkə.Az-a şərh edib:

"Azərbaycanın əsas internet təzhizatçısı Delta Telekomdur. Ölkəyə interneti bu provaydr gətirir. Onun internet təchizatında problem yaranıb. Ona görə də ölkənin 90%-də problem yaranıb.

Delta Telekomun 3 yerdən, Rusiya, Avropa və Türkiyədən qlobal şəbəkəyə bağlantısı var. Bu 3 bağlantının üçündə də birdən birə nə isə baş verə bilməz. Provayderlərdən də bildirildi ki, problem Delta Telekomdadır.

Bu məsələnin süni olacağına inanmıram. Düşünürəm ki, Delta Telekomun texniki problemidir".

Qeyd edək ki, Azərbaycandakı internet provayderlərinin əksəriyyəti keçmiş Rabitə və Yüksək Texnologiyalar naziri Əli Abbasovun əlində cəmləşmişdi.

Səxavət Məmməd
Ölkə.Az