Emin Əmrullayev daha 2 nəfər barəsində əmr verdi - Foto

Məktəbəqədər və Ümumi Təhsil üzrə Dövlət Agentliyi tabeliyində Qarabağ və Qazax-Tovuz regional təhsil idarələrinə yeni təyinatlar olub.

Ölkə.Az xəbər verir ki, elm və təhsil naziri Emin Əmrullayevin müvafiq əmri ilə Mənsimli Sənan Famil oğlu Qarabağ Regional Təhsil İdarəsinə müdir təyin olunub.

Sənan Mənsimli 2022-ci ildən Şirvan-Salyan Regional Təhsil İdarəsinin müdiri vəzifəsində çalışıb. Qeyd edək ki, Şirvan-Salyan Regional Təhsil İdarəsinin müdiri vəzifəsinin icrası İdarənin Tədrisin keyfiyyəti sektorunun müdiri Dadaşov Vüqar İsrəfil oğluna həvalə edilib.

Qarabağ Regional Təhsil İdarəsinin müdiri vəzifəsini icra edən Məcidov Anar Rafik oğlu Qazax-Tovuz Regional Təhsil İdarəsinin müdir müavini təyin edilib. İdarənin müdiri vəzifəsinin icrası ona həvalə olunub.

Qeyd edək ki, E.Əmrullayev bu gün Elçin Kərimovu Gəncə-Daşkəsən Regional Təhsil İdarəsinə müdir təyin edib, həmçinin Mərkəzi Aran Regional Təhsil İdarəsinin müdiri vəzifəsinin icrası Cavad Cavadova həvalə edib.

Gəncə-Daşkəsən Regional Təhsil İdarəsinin müdiri Anar Qədiməliyev isə Bakı şəhəri üzrə Təhsil İdarəsinə müdir müavini təyin edilib.