\"Delta Telekom\" internetin kəsilməsinə aydınlıq gətirdi

Bu gün ölkədə baş vermiş internet kəsintisi Delta Telekom şirkətinin kabellərində baş vermiş tüstüləmə ilə əlaqədar olub.

Bu barədə "Delta Telekom"un daxili xidmət rəhbəri Anar Gülməmmədov Ölkə.az-a açıqlamasında bildirib.

Onun sözlərinə görə, internet verilməsi ilə əlaqədar problem qismən aradan qaldırılıb və qısa müddət ərzində internetin verilməsi tam bərpa olunacaq.

Anar Gülməmmədov onu da qeyd edib ki, bəzi mətbu orqanların yazdığı kimi "Delta Telekom"da yanğın və partlayış hadisəsi baş verməyib.

Ölkə.az