Həkimlər ən çətin üz transplantasiyasını həyata keçirdilər

Amerikada yanğınsöndürən iş başında olarkən bütün üzünü yandırıb

Amerika həkimlərinin sözlərinə görə, onlar indiyə kimi ən çətin üz köçürmə əməliyyatını həyata keçiriblər.

Yanğınsöndürən işləyən Patrik Hardison vəzifə borcunu yerinə yetirərkən özü də ciddi xəsarət alıb. Nəticədə onun bütün üzü, boynu və qulaqları yanaraq tanınmaz hala düşüb.

Patrik üzərində 26 saat əməliyyat aparan həkimlər onun tək üzünü yox, bütün boyun və qulaq dərisini dəyişdiriblər. Donor isə, velosiped qəzasında ölümcül yaralanan 26 yaşlı Devid olub. O ölümündən sonra orqanlarını və üz dərisini ehtiyacı olanlara verməyə razı olub.

Patrik yanğın zamanı qadını xilas edərkən xəsarət alıb. O 1 il özünə uyğun yəni, ağ dərili və açıq saçlı donorun tapılmasını gözləyib. 3 ay gedən müalicələrdən sonra 5 uşaq atası olan Patrik istədiyi üzə sahib alıb. Bundan sonra o müalicələrini davam etdirməlidir. (interaz)

Ölkə.Az