Avstraliyada müsəlman partiyası yaradıldı

Seçkilərdə iştirak etməyi planlaşdırır

Ölkə.Az xəbər verir ki, Avstraliyada müsəlmanlar partiyası yaradılıb.

"Avstraliya müsəlmanları partiyası" adlanın yeni birliyin lideri ölkə senatına seçkilərdə iştirak etməyi planlaşdırır. Avstraliyada yarımmilyon müsəlman yaşasa da, 250 deputatdan yalnız biri özünü müsəlman hesab edir.

Partiyanın təsisçisi, Sidney sakini Dia Məhəmməd bildirir ki, onun bu qərarı həm də Parisdəki hücumlarla bağlıdır. Onun sözlərinə görə, o, bu faciədən sonra dünyada müsəlmanların rastlaşdığı məsələləri həll etmək istəyir.

Partiyanın yaradılmasına digər bir səbəb kimi ölkədə antiislamçı hərəkat və partiyaların qurulması göstərilir.

Rəşid Mustafazadə

Ölkə.Az