Rusiyada nənə ibadət öyrənmədiyinə görə nəvəsinə işgəncə verib

Ternopil bölgəsində bir qadın ibadət etməyi öyrənmədiyinə görə nəvəsinə işgəncə verdiyi üçün mühakimə olunub. O, 1 il şərti cəza alıb.

Ölkə.az Sfera.az-a istinadən xəbər verir ki, məhkəmə materiallarına görə, 58 yaşlı qadın nəvəsinə ibadət etməyi öyrənməyi əmr edib. Lakin onun tapşırığı yerinə yetirməməsi nənəsini qəzəbləndirib.

Nənə 10 yaşlı nəvəsini əvvəlcə gicitkənlə döyüb, daha sonra ağzına çubuq keçirərək onu boğmağa başlayıb. Məhkəmədə qadın günahını etiraf edib.

“Təqsirləndirilən şəxs azyaşlı nəvəsinə işgəncə vermək niyyətində olub. Onun fikrincə, nəvə itaətsizlik göstərib, daha doğrusu, namazı öyrənməyib. Nəvənin kürəyində və üzündə bir dəstə gicitkən gövdəsinin izi var”- deyə məhkəmənin hökmündə deyilir.

Gicitkəndən sonra nənə çubuqla, nəvəsinin çənəsini sıxıb və bir neçə dəqiqə onu boğub.

Prosesdə qadın həmin gün nəvəsinin ona qulaq asmadığını və buna görə də cinayət törətdiyini, bu faktın bir dəfə baş verdiyini qeyd edib. Təqsirləndirilən şəxs davranışından peşman olduğunu bildirib.

Hakim cəza təyin edərkən qadının əvvəllər polislə heç bir əlaqəsinin olmadığını, psixiatr qeydiyyatında olmadığını, həmkəndlilərinin onun haqqında müsbət danışdığını nəzərə alıb. Təqsirləndirilən şəxsin cəzasını yüngülləşdirən hal onun təqsirini etiraf etməsi, qadının insult keçirməsi və yüksək qan təzyiqinin olması olub.

Kremenets Rayon Məhkəməsi qadını işgəncədə təqsirli bilib və 1 il sınaq müddəti olmaqla şərti cəzaya məhkum edib. Həmçinin, nənə zorakılıq edənlər üçün 3 aylıq kurs keçməli və məhkəmə ekspertizası aparmaq üçün 18 min UAH-dan çox ödəməlidir.