Futbolçuları ildırım vurdu: ölən və yaralananlar oldu - ANBAAN VİDEO
Peruda regional futbol matçı zamanı dəhşətli hadisə baş verib.
Ölkə.Az xəbər verir ki, Peruda "Juventud Bellavista" - "Familia Chocca" matçında stadiona ildırım düşüb.
"The Sun"ın məlumatına görə, Perunun Huankayo şəhərindəki Koto Koto stadionunda oynanan matçda meydançaya ildırım düşməsi nəticəsində futbolçular qəfil yerə yıxılıblar. O dəhşətli anlar anbaan kameraya düşüb. Kadrlarda ildırım vuran futbolçuların qəfil yerə yıxıldığı görünür.
İldırım vurması nəticəsində yerə yıxılan futbolçulardan 39 yaşlı Xose Hüqo de la Kruz Meyanın həyatını itirdiyi bildirilib. 40 yaşlı qapıçı Xuan Çokka Llakta xəstəxanaya çatdırılıb və bədənində ciddi yanıqlar yaranıb. İldırımın vurduğu digər 6 futbolçunun xəstəxanaya yerləşdirildiyi, vəziyyətlərinin stabil olduğu bildirilib.
Mürtəza
Ölkə.Az
