Nazir onu müşavir vəzifəsindən azad etdi - Səftər Rəhimli hara vəzifəyə gedir?

Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin sədrinin müşaviri vəzifəsindən azad edilib. 

Ölkə.az xəbəfr verir ki, Qaynarinfo-nun əldə etdiyi məlumata görə, Dövlət Məşğulluq Agentliyi sədrinin müşaviri Rəhimli Səftər Mikayıl oğlu öz ərizəsi ilə vəzifəsindən azad olunub. Bu barədə nazir Sahil Babayevin əmr imzalayıb.

Ötən ilin mart ayında müşavir təyin olunan Səftər Rəhimli bu vəzifədən əvvəl Dünya Azərbaycanlıları Konqresinin (DAK) Azərbaycan Nümayəndəliyinin rəhbəri olub. 

Əldə etdiyimiz məlumata görə, sabiq müşavir Mədəniyyət Nazirliyində vəzifəyə təyin ediləcək. 

Qeyd edək ki, bu ilin may ayında Dövlət Məşğulluq Agentliyinin İdarə Heyətinin sədri Mustafa Abbasbəyli vəzifəsindən azad olunaraq, Mədəniyyət Nazirliyinin Aparat rəhbəri təyin olunub. Onun yerinə Sadiq Əliyev gətirilib.