Millətlər Liqası: Azərbaycan yığması ilk xalını qazanıb – YENİLƏNİB
Azərbaycan yığması UEFA Millətlər Liqasının qrup mərhələsində ilk xalını qazanıb.
"Ölkə.az" xəbər verir ki, Qəbələ şəhər stadionundakı C Liqasının I qrupunun oyunu qolsuz heç-heçə ilə yekunlaşıb.
Azərbaycan millisi əvvəlki dörd qarşılaşmada Estoniya (1:3), Slovakiya (0:2, 1:3) və İsveçə (1:3) uduzub.
Qeyd edək ki, Fernandu Santuşun rəhbərlik etdiyi yığma sonuncu – VI turun görüşündə səfərdə İsveçlə qarşılaşacaq. Matç noyabrın 19-da, Bakı vaxtı ilə saat 23:45-də start götürəcək.
19:02
***
UEFA Millətlər Liqasının Azərbaycan - Estoniya matçında ikinci hissə başlayıb.
"Ölkə.az" xəbər verir ki, C Liqasının I qrupunun görüşündə hesab açılmayıb.
Qarşılaşmanı şotlandiyalı FIFA referisi Con Biton idarə edir.
***
Bu gün UEFA Millətlər Liqasında üz-üzə gələcək Azərbaycan və Estoniya yığmalarının start heyətləri açıqlanıb.
Ölkə.az xəbər verir ki, komandalar meydana aşağıdakı "11-lik"lə çıxacaqlar:
Azərbaycan: Rza Cəfərov, Elvin Cəfərquliyev, Ozan Can Kökcü, Coşqun Diniyev, Ramil Şeydayev, Rahil Məmmədov, Bədavi Hüseynov, Toral Bayramov, Aleksey İsayev, Abbas Hüseynov, Musa Qurbanlı.
Estoniya: Karl Yakob Heyn, Mihael Şyonninq-Larsen, Robert Şeyn, Henri Anyer, Kevor Palumets, Maksim Paskotsi, Yonas Tamm, Martin Miller, Karol Mets, Marr Poom, Vlasiy Sinyavski.
Qeyd edək ki, Qəbələ şəhər stadionunda təşkil olunacaq görüş saat 18:00-da start götürəcək.
