Əbülfəs Qarayev məşhur muzeyin direktoru ilə görüşdü

Mədəniyyət və turizm naziri Əbülfəs Qarayev Londonda Viktoriya və Albert Muzeyinin direktoru Martin Rotla görüşüb

Ölkə.az-ın məlumatına görə, görüş zamanı Mədəniyyət və Turizm Nazirliyi ilə sözügedən muzey arasında əməkdaşlıq üzrə Anlaşma Memorandumunun imzalanması, muzeydə Azərbaycana aid saxlanılan xalça-toxuma nümunələrinin sərgisinin keçirilməsi, 2017-ci il Bakı şəhərində keçiriləcək Azərbaycan xalçasına həsr edilmiş 5-ci Beynəlxalq Konqresə Viktoriya və Albert Muzeyinin tərəfdaş olması, muzeydə azərbaycanlı muzey mütəxəssisləri üçün treninqlərin təşkil edilməsi barədə müzakirələr aparılıb.

Görüşün sonunda Əbülfəs Qarayev 2016-cı ilin 25-27 aprel tarixində Bakı şəhərində keçiriləcək Birləşmiş Millətlər Təşkilatının (BMT) Sivilizasiyalar Alyansının 7-ci Qlobal Forumununda iştirak etmək üçün cənab Rotu Bakı şəhərinə dəvət edib.

Ölkə.az