"İnter" klubunun rəsmisi ".... komandanın heç bir oyunçusuna borcu yoxdur"

Mətbuatda yayılan xəbərlərə görə Bakı "İnter"inin sabiq legionerləri keçən mövsümdən qalan alacaqlarını ala bilmədiklərinə görə klubu UEFA-ya şikayət ediblər.

Məsələylə bağlı Ölkə.Az-a klubun mətbuat katibi Səbuhi Məmmədov bunları deyib:

"Məsələdən xəbərimiz var. UEFA-ya gedən şikayətə səbəb ötən mövsümdə verilməyən 3 ayın maaşlarıdır. Hüquqşünaslarımız da məsələni həll etməyə çalışır. Bu haqda başqa heç nə deyə bilmərəm. Ancaq bildirim ki, yeni mövsümdə bağlanan yeni müqaviləyə əsasən, klubun heç bir oyunçuya borcu yoxdur. Təbii ki bu problem də aradan qalxacaq. Hansı klub istəyər ki, futbolçusuna borclu qalsın. "

Qeyd edək ki, iddiaya görə UEFA kluba borclarını ödəmək üçün dekabr ayına kimi vaxt verib. Əgər maaşlar ödənilməzsə, "İnter" I Diviziona yollana bilər.

Ölkə.az