Bəşər Əsəd: "Mən seçilsəm, suriyalıların daha gözəl bir gələcəyi ola bilər"
"Daha bir-iki il lazım olacaq"
Ölkə.Az xəbər verir ki, Bəşər Əsəd müsahibəsində Suriyanın bir çox ərazilərinin terrorçuların əlində olduğu vaxtda siyasi arenada heç bir nəticənin əldə edilməyəcəyini deyib.
"Terrorçu anlayışına yalnız İŞİD üzvləri yox, həm də hakimiyyətə qarşı silah qaldıran hər kəs daxildir. Bütün ölkələrdə bu belədir. Əlisilahlı hər kəs müxalifət adlandırıla bilməz", - deyə Əsəd bildirib.
Əsəd qeyd edib ki, İŞİD-in məğlub ediləcəyi təqdirdə hakimiyyətdə iqtidarın dəyişməsi üçün daha bir-iki il lazım olacaq.
Sonda seçkilərdən söz açan Əsəd "Mən seçilsəm suriyalıların daha gözəl bir gələcəyi ola bilər" ifadələrini işlədib.
Rəşid Mustafazadə
Ölkə.Az
