Rusiya XİN: Təyyarəmizin partladılması Suriya əməliyyatına görə qisasdır
"Koqalımavia" şirkətinin sərnişin təyyarəsinin Misirin Sinay yarımadasında düşməsini Rusiya terror aktı kimi qiymətləndirib.
Ölkə.az xəbər verir ki, Rusiyanın Xarici İşlər Nazirliyinin departament rəhbəri İlya Roqaçyov bildirib ki, təyyarənin partladılması Moskvanın Suriyada apardığı hərbi kampaniya ilə sıx bağlıdır.
"Böyük ehtimalla təyyarənin partladılması bizim Suriyada İŞİD-lə mübarizəmizlə birbaşa bağlıdır. Amma biz oturub gözləyə bilmərik ki, İŞİD gəlib qapımızı döysün, ona görə də məcburiyyət qarşısında onunla birbaşa öz yerində mübarizə aparırıq", deyə Rusiya XİN-nin rəsmisi bildirib.
Xatırladırıq ki, 31 oktyabr tarixində Şarm-əş-Şeyx - Sankt-Peterburq reysini həyata keçirən A321 təyyarəsi yerə çaxılmış və göyərtəsindəki 217 nəfərin hamısı faciəli surətdə həlak olmuşdu.
Ölkə.az
