Netanyahu orduya ƏMR ETDİ: "Genişmiqyaslı müharibəyə hazır olun"
İsrailin baş naziri Benyamin Netanyahu İsrail Müdafiə Qüvvələrinə Livanda atəşkəsin pozulacağı təqdirdə genişmiqyaslı müharibəyə hazırlaşmağı əmr edib.
"Ölkə.az" xəbər verir ki, bu barədə Netanyahu "Kanal 14"ə müsahibəsində bildirib.
“Əgər atəşkəs razılaşması pozularsa, biz tammiqyaslı müharibəyə keçəcəyik”, - deyə Baş nazir bəyan edib.
Noyabrın 27-də İsrail Müdafiə Qüvvələri ilə Livanın "Hizbullah" hərəkatı arasında bir gün əvvəl imzalanmış atəşkəs razılaşması qüvvəyə minib. ABŞ Prezidenti Co Bayden bildirib ki, sənəd hərbi əməliyyatların həmişəlik dayandırılmasını və Livan-İsrail sərhədində mülki əhalinin zərər çəkmiş ərazilərə qayıtması üçün şəraitin yaradılmasını nəzərdə tutur.
Diplomatik səylərə baxmayaraq, İsrail ordusu "Hizbullah"a qarşı hərbi əməliyyatları davam etdirir.
