Wizz Air: 40 avroya olan biletlərin hamısı artıq alınıb

Wizz Air daima wizzair.com saytında ucuz qiymətlər təklif edir.

Ölkə.Az bu barədə Oxu.Az-ın sorğusuna Wizz Air aviaşirkətindən cavab veriblər.

Xatırladaq ki, cari ilin oktyabr ayının 28-də Budapeşt-Bakı-Budapeşt reysinin yerinə yetirilməsi üzrə Wizz Air və Ground Handling Company şirkətləri arasında razılaşmanın imzalanması mərasimində Wizz Air şirkətinin nümayəndəsi Yojef Varadi qeyd etmişdi ki, qiymətlər 109,99 və 89,99 avroya qədər artıb (uçuşun tarixindən asılı olaraq).

Şirkətdən verilən məlumata görə, ilk müraciət edən müştərilər ən ucuz qiymətlərə olan biletləri alırlar:

“Qiymətlər reysə olan biletlər praktiki olaraq satılıb başa çatdıqdan sonra artır”.

Wizz Air-də həmçinin bildiriblər ki, noyabrın 12-dən şirkət WIZZ endirim klubunun üzvlərinə bütün reyslər üzrə 20% endirim təklif edir.

Ölkə.Az