Anjey Duda Gürcüstan hakimiyyətini yeni seçkilər keçirməyə çağırdı
Polşa Prezidenti Anjey Duda Gürcüstan hakimiyyətini yeni seçkilər keçirməyə çağırıb.
"Ölkə.az" xəbər verir ki, o, ölkədəki kütləvi etirazlar fonunda hakim “Gürcü arzusu - Demokratik Gürcüstan” partiyasını yeni seçkilərə hazır olduqlarını nümayiş etdirməyə səsləyib.
Polşa liderinin ofisinin yaydığı məlumata görə, Duda bu barədə Gürcüstan Prezidenti Salome Zurabişvili ilə söhbətində bildirib.
Söhbət zamanı Duda Gürcüstan hökumətini təmkinli olmağa, sağlam düşüncə nümayiş etdirməyə, vətəndaşlarının səsinə qulaq asmağa və onların iradəsinə zidd qərarlardan əl çəkməyə çağırıb.
Onun sözlərinə görə, ötən parlament seçkiləri ilə bağlı bütün “şübhələrin” aydınlaşdırılması üçün açıqlıq nümayiş etdirmək lazımdır.
