Azərbaycanda təqaüdçü özünü asdı
Salyan rayonunda intihar baş verib. 64 yaşlı kişi özünü asıb.
Ölkə.Az xəbər verir ki, Salyan Rayon Prokurorluğundan ans press-ə verilən məlumata görə, rayonun Xələc kənd sakini, 1951-ci il təvəllüdlü Davud Tərlan oğlu Səlimov özünü yaşadığı evin həyətindəki yarımtikilidən asıb. Onun asılmış vəziyyətdə meyitini ailə üzvləri aşkarlayaraq hüquq-mühafizə orqanlarına məlumat veriblər. Polis və prokurorluq əməkdaşları ərazidə olublar. Hadisənin başvermə səbəbləri araşdırılır.
Özünü öldürən şəxs təqaüdçü olub.
Faktla bağlı Salyan rayon Prokurorluğunda Cinayət Məcəlləsinin 125-ci (Özünü öldürmə həddinə çatdırma) maddəsi ilə cinayət işi açılıb, araşdırmalar davam etdirilir.
Ölkə.Az