İraqda 20 İŞİD-çi öldürüldü

İraqın Ramadi şəhərində ordunun döyüş təyyarələri tərəfindən təşkil edilən hava hücumlarında 20 İŞİD-çi qətlə yetirilib

Ölkə.Az xəbər verir ki, İraqın Ramadi şəhərində orduya aid döyüş təyyarələri tərəfindən təşkil edilən hava hücumlarında 20 İŞİD-çinin öldürüldüyü bldirilib.

General-leytenant Rəşid Felih bildirib ki, İraq döyüş təyyarələri Hiyt mahalında əl-Müəllimin Məhəlləsində İŞİD-çilərin olduğu 4 evə hava hücumu təşkil edib və nəticədə 20 terrorçu öldürülüb. 

Rəşid Felih şəhəri ələ keçirmək uğrunda gedən döyüşlərdə İŞİD döyüşçüləri və təhlükəsizlik qüvvələri arasında sıx qarşıdurmaların yaşandığını bildirib. 

Xatırladaq ki, İŞİD-in başçılıq etdiyi silahlı qruplar Mosul və Tikrit kimi bəzi şəhərlərdə nəzarəti ələ keçirib. Ölkə ərazisi İraq ordusu ilə silahlı qruplaşmalar arasında tez-tez yaşanan qarşıdurmalara səhnə olur.

Rəşid Mustafazadə

Ölkə.Az