Əlil özünü öldürdü

Göyçay rayonunda intihar baş verib. 2-ci qrup əlil damarlarını doğrayıb.

Ölkə.Az xəbər verir ki, Göyçay Rayon Prokurorluğundan ans press-ə verilən məlumata görə, hadisə rayonun Bığır kəndində qeydə alınıb.

Kənd sakini 1969-cu il təvəllüdlü Azər Seyfalı oğlu Alməmmədov hər iki qolunun damarlarını yaşadığı evin birinci mərtəbəsində bıçaqla kəsib. Ailə üzvləri evin 2-ci mərtəbəsində yaşadıqları üçün hadisədən gec xəbər tutublar. Onlar aşağı mərtəbəyə düşdükdə Azər Alməmmədovun damarlarını doğradığını və çoxlu qan itidiyi üçün hadisə yerində öldüyünü görüblər.

Prokurorluqdan hadisəyə ilkin ehtimal kimi, Alməmmədovun nevroz (əsəb xəstəsi) olduğunu və bu səbəbdən özünü öldürdüyünü bildirdilər.

Faktla bağlı Göyçay Rayon Prokurorluğunda 125-ci (Özünü öldürmə həddinə çatdırma) maddəsi ilə cinayət işi açılıb, araşdırmalar davam etdirilir.

Ölkə.Az