Bill Qeyts 2024-cü ilin ən yaxşı kitablarının adlarını açıqlayıb

"Microsoft" texnologiya şirkətinin həmtəsisçisi, milyarder Bill Qeyts ənənəvi olaraq son bir ildə ən çox nə oxuduğundan və hansı kitablara diqqət yetirilməsinin lazım olduğundan danışıb. 

Ölkə.Az xəbər verir ki, milyarder Qeytsin sözlərinə görə, süni intellekt haqqında ən yaxşı kitab Mustafa Süleymanın yeni texnologiyaların müasir dünyaya təsirindən bəhs edən “The Coming Wave” (Gələn dalğa) kitabı olub.

Qeyts mobil qüllələrdən kabel qutularına qədər müasir infrastrukturun sirlərini və iş prinsiplərini açan Qreydi Hillhaunun "Engineering in Plain Sight" (Ən təmiz formada mühəndislik) əsərini yüksək qiymətləndirib.

Qeyts həmçinin idmançı Rocer Federerin tərcümeyi-halını, Doris Henkelin "Federer" kitabını və Doris Kerns Qudvinin Amerika prezidentləri Kennedi və Consonun müşaviri Riçard Qudvinin həyat hekayəsi əsasında yazılan "An Unfinished Love Story" (Tamamlanmamış sevgi hekayəsi)  kitabını oxumağı tövsiyə edib.

Qeyts uşaqlar və yeniyetmələrlə işləyən hər kəsə Conatan Haidtin “The Anxious Generation" (Narahat nəsil) kitabını oxumağı tövsiyə etdi. Qeytsin sözlərinə görə, bu kitab onu uşaqlığını yenidən düşünməyə vadar edib.

Mürtəza
Ölkə.Az