Gözəldir, ancaq uzaqdan baxmaq olar... - Kvadrat dalğaların sirri

2019-cu ildə fotoqraf Cek Burden tərəfindən çəkilən foto hələ dəgörənləri təəccübləndirir.

Ölkə.Az xəbər verir ki, Yeni Zelandiyanın "Whangamata" çimərliyində qeydə alınan görüntülərdə kavdratşəkilli dalğalar diqqət çəkir.

Bu tip dalğaların formalaşma səbəbi isə iki fərqli istiqamətdən əsən küləklər səbəbindən perpendikulyar şəkildə suyun qabarma prosesidir. Adətən bu dalğalara iki fərqli dəniz və ya okeanın qovuşduğu ada və yarımadaların sahil ərazilərində rast gəlinir. 

Qeyd olunur ki, bu dalğalar sadəcə onları uzaqdan izləmək üçün daha gözəldir. Çünki, mütəxəssislər insanlara bu tip dalğalı sulara daxil olmağı məsləhət görmürlər.  Fərqli istiqamətdən çarpaz şəkildə gələn dalğalar suyun səthində zərərsiz görünə bilər, amma suyun altında isə onlar sanki bir-biri ilə "vuruşur".