Yeni ili qeyri-adi formada qarşılayan ölkələr və adətləri

Yeni ilin gəlişi dünyanın bir çox ölkəsində qeyd olunur.

Ölkə.Az xəbər verir ki, bu bayramda fərqli ölkələrdə bəzi batil inanclar tətbiq olunur.

Odur ki, həmin adətləri təqdim edirik:

Yaponiya: Qapıdan ip/kəndir asaraq pis ruhları qovduqlarına inanırlar. Yeni ilin şən keçməsi üçün gecə yarısı gülüşürlər.
Almaniya: Yeni ildə insanlar əridilmiş qurğuşunu suya ataraq onun aldığı formaya baxır və gələcəklə bağlı proqnoz verməyə çalışırlar.
İspaniya: Yeni il gecəsi uğur gətirsin deyə, 12 üzüm dənəsi yeyirlər.
Şotlandiya: Yeni il günü "ilk ayaq basmaq" yarışı keçirilir. Ailəsinin, dostlarının və ya qohumlarının evinə ilk qonaq gedən adam pul, çörək, duz, kömür və viski kimi bolluq rəmzi hesab edilən hədiyyələri aparır.
Çili: Gecə yarısı bir qaşıq mərcimək yeyərək bütün ilin iş və pul dolu keçəcəyinə inanırlar.
Braziliya: Yeni il gecəsi 7 dalğa üzərindən tullanmaq uğur qazanmağa işarədir. Eyni zamanda pis ruhları qovmaq üçün ağ geyinmək lazımdır.
Kolumbiya: Yeni il gecəsi boş çamadanla küçələrdə dolaşaraq bütün ilin səyahət edərək keçəcəyinə inanırlar.
Rusiya: insanlar arzularını yazdıqları kağızları yandırır və yanan kağızı şampanın içərisinə qoyurlar.