Bayden ABŞ-nin 895 mlrd dollarlıq müdafiə büdcəsini təsdiqləyib

ABŞ prezidenti Co Bayden ölkənin 2025-ci maliyyə ili üçün müdafiə büdcəsini 895 milyard dollar həcmində təsdiqləyib.

Ölkə.Az xəbər verir ki, bu barədə Ağ Evin yaydığı məlumatda deyilir. 

Qeyd olunur ki, 1800 səhifədən ibarət olan sənəd kəşfiyyat sahəsində proqramların həyata keçirilməsi, Pentaqonun planları, eləcə də Energetika Nazirliyinin layihələri üçün vəsaitin ayrılmasını nəzərdə tutur.

Bundan əlavə, Baydenin imzaladığı aktda Rusiya ilə mədən yanacaqları sahəsində əməkdaşlığa və Strateji Hücum Silahlarının Əlavə Azaldılması və Məhdudlaşdırılması Tədbirləri üzrə Müqavilə (START) çərçivəsində məlumat mübadiləsinə qadağa da daxildir. 

Sənəd kəşfiyyatı “Ukraynaya silah tədarükünün dayandırılması və Rusiyanın xüsusi əməliyyatının uğurla başa çatması halında ABŞ-nin təhlükəsizliyi üçün riskləri” qiymətləndirməyi öhdəsinə götürür. 

Kəşfiyyata Ukrayna Silahlı Qüvvələrinin həm hərbi və iqtisadi dəstəyin davam etdirilməsi və dayandırılması, həm də RF-yə uzun mənzilli silahlarla zərbə endirmə qərarının razılığı və ya ləğvi ilə döyüş qabiliyyətini qorumaq şanslarını təhlil etmək tapşırılıb. 

Mürtəza
Ölkə.Az