Meteohəssas insanların diqqətinə! - Sabah maqnit qasırğası OLACAQ
Dekabrın 25-də Günəşin partlaması ilə əlaqədar Yer kürəsində maqnit qasırğası gözlənilir.
Ölkə.az Redaktor.az-a istinadən xəbər verir ki, bu barədə "Phobos" hava mərkəzinin aparıcı eksperti Mixail Leus öz teleqram kanalında məlumat verib.
Belə ki, Günəşin nisbətən aşağı aktivliyi dövrü başa çatır. Ötən gün Günəşdə orta mənzilli məşəl qeydə alınıb, lakin intensivlik baxımından X sinif maksimumunun həddinə çox yaxınlaşıb.
Dekabrın 25-i günortadan sonra Günəşdən tac kütləsinin atılmasının Yerə çatacağı proqnozlaşdırılır. Bakı vaxtı ilə saat 16:00-dan sonra bu, G1-G2 sinifli, zəif və ya orta dərəcəli maqnit qasırğasına səbəb olacaq.
Uzunmüddətli maqnit qasırğasının ilkin müddəti 8-10 saat olaraq təxmin edilir. Mütəxəssislər yüksək enliklərdə qütb işıqlarını görməyin mümkün olduğunu da vurğulayıblar.
