Rus gəmisi Aralıq dənizində batıb

Rusiyanın “Ursa Major” yük gəmisi Aralıq dənizində batıb.

Ölkə.Az xəbər verir ki, gəminin aid olduğu Oboronlogistika şirkətindən verilən açıqlamada Aralıq dənizində batan "Ursa Major" yük gəmisinin "terror hücumu" nəticəsində batdığı bildirilib .

Şirkətin verdiyi açıqlamada qeyd edilib ki, ekipajın açıqlamasına əsasən, dekabrın 23-də Moskva vaxtı ilə saat 13.50 radələrində gəmidə ardıcıl 3 partlayış baş verib və gəmi yana əyilərək suya batıb.

Rusiya Xarici İşlər Nazirliyinə bağlı Böhran Vəziyyətləri Mərkəzinin dekabrın 24-də verdiyi açıqlamada “Ursa Major” yük gəmisinin maşın otağında partlayış baş verdiyi və gəmiyə su dolması nəticəsində batdığı bildirilib.

Gəmidə olan 16 ekipaj üzvündən 14-nün xilas edildiyi, 2 nəfərin isə itkin düşdüyü bildirilib.

Mürtəza
Ölkə.Az