Rusiya ilk dəfə Suriyada piyada və tanklardan istifadə etdi
Rusiya hərbçiləri itkilərlə üzləşməyib
Ölkə.Az Küveytin "Al-Rai" qəzetinə istinadən xəbər verir ki, Rusiya piyadaları T-90 tankları və hücum təyyarələrinin dəstəyi ilə ilk dəfə olaraq Suriya prezidenti Bəşər Əsədin rəqiblərinin mövqelərinə hücum təşkil ediblər.
Nəşrin məlumatına görə, 5 saat davam edən döyüşlərin nəticəsində Rusiya Federasiyası quru qoşunları İdlib və Latakiya arasında strateji yüksəklikləri tutublar.
"Əməliyyatda 130 mm-lik artilleriya silahları və hava bombardmanları istifadə olunub. Bu manevrlər əsgərlər üçün əsl sınaq olub. Rusiyalı hərbçilər bildirir ki, Suriya ordusu yalnız maddi-texniki məsələləri təmin edib və döyüşlərdə birbaşa iştirak etməyib", - deyə mənbə bildirib.
Qeyd olunur ki, Rusiya hərbçiləri itkilərlə üzləşməyib.
Rusiya 30 sentyabrdan Bəşər Əsədin çağırışı ilə Suriyada İŞİD və "Cəbhət ən-Nusra” terror qruplaşmalarına zərbələr endirməyə başlayıb.
Rəşid Mustafazadə
Ölkə.Az