Cənubi Koreyada dəhşətli təyyarə qəzası - YENİLƏNİB - VİDEO
Cənubi Koreyanın Muan Beynəlxalq Hava Limanında baş verən təyyarə qəzasında 120 nəfərin öldüyü təsdiqlənib.
“Ölkə.az” xəbər verir ki, bu barədə “Yonhap” agentliyi yanğınsöndürmə xidmətlərinə istinadən məlumat verib.
"Jeju Air”ə məxus təyyarənin qəzaya uğraması nəticəsində ölənlərin sayı 120 nəfərə çatıb. Məlumatların təsdiqlənməsi davam edir", - məlumatda bildirilib.
***
Cənubi Koreyanın Colla-Namdo əyalətindəki Muan hava limanında təyyarə qəzaya uğrayıb.
"Ölkə.az" xəbər verir ki, “Boeing 737-800” təyyarəsinin qəzaya uğraması nəticəsində yalnız iki nəfərin xilas olduğu bildirilir.
Yanğınsöndürmə xidmətinin ilkin məlumatına əsasən, 179 nəfər həlak olub. Hələlik 85 nəfərin ölümü təsdiqlənib.
“Yonhap” agentliyi sağ qalanlar barədə məlumatların fərqli olduğunu bildirir. İddia edilir ki, iki qadın və bir ekipaj üzvü xilas olub. “Reuters”in məlumatına görə, iki ekipaj üzvü - bir kişi və bir qadın xilas olub.
