Yeni il gecəsi Tovuzdakı qəzada xəsarət alan qardaşlardan biri vəfat etdi
Ötən ilin 31 dekabrında Tovuzda baş verən yol qəzasında xəsarət alan qardaşlardan biri vəfat edib.
Ölkə.az-ın “Qafqazinfo”ya istinadən məlumatına görə, 16 yaşlı E. Tağıyev Bakıda müalicə aldığı xəstəxanada ölüb.
Qeyd edək ki, rayonun Əlimərdanlı kəndində magistral yolda hərəkət edən “BMW” və “VAZ-2107” markalı avtomobillər toqquşub.
Zərbənin təsirindən aşan “BMW” yolun kənarında dayanan 69 yaşlı Həmid Tağıyevi vurub. Ağır bədən xəsarətləri alan piyada hadisə yerində ölüb.
Qəzada 1965-ci il təvəllüdlü V. Yusifov və üç gənc - Tağıyev qardaşları müxtəlif dərəcəli xəsarətlər alaraq xəstəxanaya yerləşdirilmişdi.
