Rusiyada türklərin obyektlərinə hücum başladı

Türk qırıcısının ölkənin hava məkanını pozmuş rus təyyarəsini vurmasından sonra iki ölkə arasında vəziyyət gərginləşib.

Ölkə.az xəbər verir ki, dünəndən başlayaraq rus millətçi-faşist qrupları Moskvadakı Türkiyə səfirliyinin qarşısında aksiya keçiriblər.

Bu gün yayılan bir xəbərdə isə bildirilir ki, Rusiyanın Ulyanovsk şəhərində yerləşən türklərə aid Efes pivə zavodu hücuma məruz qalıb.

Faşist qruplar zavodun önündəki Türkiyə bayrağını yerə endirərək təhqir ediblər. Zavodun binasına və türk bayrağının üzərinə yumurta atan xuliqanlar Türkiyə əleyhinə şüarlar səsləndiriblər.

Ölkə.az