Rusiya Baş Qərargahından bəyanat: "Bütün hədəflər məhv ediləcək"

"Heç bir cəhd biz tərəfdən qeydə alınmayıb"

Ölkə.Az xəbər verir ki, Rusiya Federasiyası silahlı qüvvələrinin Baş Qərargah rəisi general-leytenant Sergey Rudskoy Türkiyənin Su-24 təyyarəsini vurması ilə bağlı bəyanat verib.

"Türkiyənin təyyarəsi tərəfindən bizim ekipajla vizual rabitənin qurulması üçün heç bir cəhd biz tərəfdən qeydə alınmayıb. Raketin Su-24 təyyarəsinə dəyməsi Suriya ərazisində baş verib. Təyyarənin düşdüyü ərazi Suriyanın torpaqlarıdır və sərhəddən 4 km məsafədə yerləşir. Təyyarə ekipajı katapult edib. İlkin məlumatlara görə, pilotun biri havada yerdə olan atəşin nəticəsində ölüb", - deyə məlumatda bildirilib.

Rudskoyun dediyinə görə, rus təyyarəsi Türkiyə ilə sərhədi keçməyib.

"Hazırda Rusiya hava bazasının təhlükəsizliyinin təmin edilməsi üçün tərəfimizdən əlavə tədbirlər işlənir. Birincisi, zərbələr həyata keçirən hava qüvvələrinin bütün hərəkətləri yalnız qırıcıların altında həyata keçiriləcək. İkincisi, hava hücumlarından müdafiənin gücləndirilməsi ilə bağlı tədbirlər reallaşdırılacaq. Bizim üçün potensial təhlükəni əks etdirən bütün hədəflər məhv ediləcək. Üçüncüsü, Türkiyə ilə hava xətti üzrə bütün təmaslar kəsiləcək", - deyə Baş Qərargah rəisi əlavə edib.

Rəşid Mustafazadə

Ölkə.Az