Bakıda 460 min manatlıq “Lamborghini” satıldı
Avtomobillərin sığortası 15 min manata başa gəlir.
Bakıda “Lamborghini Huracan” avtomobili satılıb.
Ölkə.Az xəbər verir ki, Lamborghini Baku Mərkəzindən fins.az-a verilən məlumata görə, avtomobil noyabr ayının əvvəlində satılıb.
Xatırladaq ki, 5.2 l mühərrikli avtomobil 610 at gücündədir. “Lamborghini Huracan” 100 km/saat sürəti cəmi 3,4 saniyəyə yığır.
Qeyd edək ki, Maksimal sürəti isə saatda 324 km/saatdır. Bu avtomobillərin qiymətləri isə 280-460 min manat arasında dəyişir. Avtomobilin könüllü sığortası ilə bağlı ənənəvi tarifləri nəzərə alsaq, bu avtomobillərin illik kasko sığortası 7-15 min manata başa gəlir.
Ölkə.Az