2025-də məşhurlaşacaq və hegemonluq edəcək bürclər açıqlandı

Hələ ötən ilin sonlarından etibarən müxtəlif elm sahələri 2025-lə bağlı proqnozlar verir. İqtisadi, siyasi sahədən tutmuş, astrologiyaya qədər insanlar onları nələrin gözlədiyindən xəbərdar olmaq istəyir. 

Ölkə.Az xəbər verir ki, azərbaycanlı astroloq Səbuhi Rəhimli də özünün yutub kanalında bürcləri bu il nələrin gözlədiyindən söz açıb.

Odur ki, 4 bürc üçün astroloqun çıxışını təqdim edirik:

Oxatan

Bu il həyatın əksər sahələrində uğurlarınız saysız olacaq. İlan ilini sevindirici hadisələrlə ürəyinizcə olan sürprizlərlə başladığınız üçün Novruz bayramına qədər ovqatınız xoş olacaq. İlk 3 ayda iş yerini dəyişmək barədə düşünməyə dəyməz. Əks təqdirdə bu uğursuz ola bilər. Apreldən başlayaraq karyeranızda böyük və müsbət təkanlar hiss olunacaq. Yuxarı dairələrdən perspektifli təkliflər almaqla nüfuzunuzu artıracaqsınız, amma ilan təkbaşına fəaliyyətdə sizə yardımçı olmadığından tərəfdaşlara böyük ehtiyacınız olacaq. "Onsuz da dost barədə bəxtim gətirməyib" deməyin. Əmin ola bilərsiniz ki, bu il dostlarınız ürəyinizcə olacaq və sizə dəstək olacaqlar. Bu il evlənmək planlarınızı qətiyyən təxirə salmamalısınız. Sizin üçün xüsusi vaxt aralığı yoxdur, nə vaxt istəsəniz, evlənə bilərsiniz. Yaz aylarında əsəbi situasiyalarla rastlaşacağınızı bəyan edən göy qübbəsi hansısa pul qalmaqalına cəlb olunacağını bildirir. Ehtiyatlı olun!
Avqustda sizi pulsuzluq gözləyə, yəni büdcəniz bir qədər aşağı səviyyədə ola bilər. Sentyabrda isə hamıdan çox varlanacaqsınız. Səhhətinizlə bağlı ciddi bir narahatlıq olmasa da, özünüzü qorumalısınız. Noyabrda iş yerini dəyişmək ehtimaınız yaranacaq. Dəyərləndirmək olar. Siyasətə meyillisinizsə, il sizin üçün daha maraqlı keçəcək. 

Oğlaq

İlin əvvəli planetiniz olan Satürnün himayədarlığı ilə başlayan ərəfədə (19 fevrala qədər) əhval-ruhiyyəniz ürəkaçan olacaq. Ulduzlar bu müddətdə özünüzü münasib işlə təmin etməyinizi məsləhət görür. Bu tövsiyələri reallaşdıra bilsəniz, ilin sonuna qədər fəaliyyətdə ən xırda problemlə belə rastlaşmayacaqsınız. Ümumi məziyyətlərinə görə, 2025-ci ilin axarı sakit tərzdə cərəyan edəcək. Ötən il pozduğunuz münasibətləri bərpa etmək istiqamətində bütün gücünüzü səfərbər etməlisiniz ki, çətinlikləriniz azalsın. Unutmamalısınız ki, ilan dostluqda soyuqqanlı olanları bərk incidir. Heç olmasa, bunun naminə ünsiyyətdə səmimi və mülayim olmağa çalışmalısınız. Astroloji göstəricilər ilboyu Əkizlər və Qoç bürcündən ehtiyat etməyinizi məsləhət görür. O demək deyil ki, harada Əkizlər və Qoç görsəniz, düşmən kimi baxasınız. Mayda sevgi münasibətlərinizin gərginləşəcəyi mümkündür. Hətta münaqişəli situasiya yarandığı təqdirdə ayrılıqlar da baş verə bilər. İyuna qədər mehriban münasibətləri qoruyub saxlaya bilsəniz, sizə zaval yoxdur. Evlənmək üçün sentyabr və oktyabr ayları əlverişlidir. Vəzifədə də yüksək zirvəyə qalxacağınız gözlənilir. Yaradıcılıqla məşğulsunuzsa, 2025 sizin üçün son 10 illiyin ən ideal dövrü olacaq. Bu il ciddi məbləğdə pul udmaq şansınız da var. Yayda isə romantik səyahətlərə çıxmağı unutmamalısınız. 

Dolça

Sizdə də bu il sakit tərzdə cərəyan edəcək. Fəaliyyətlə bağlı passivliyiniz nəzərə çarpacaq. Əvvəlki illərdən fərqli olaraq sizə qarşı qərəzli mövqe nümayiş etdirənlərin sayı kəskin şəkildə azalacaq. Bu isə əsəbi vəziyyətinizin azalmasına xidmət edəcək. Bürcünüzdə astronomik dəyişikliklər müşahidə olunacaq. Bu da çox sahələrdə sizə əhəmiyyətli dərəcədə təkan verəcək. Aprel başlayan kimi müxtəlif istiqamətlərdə maddi və mənəvi dəstək alacaqsınız. Nəticədə isə fəaliyyət imkanlarınız, təsir dairəniz genişlənəcək. Yay aylarında isə vaxtilə sizə qarşı amansız olanlar səhvlərini etiraf edib üzr istəyəcəklər. Ən azı buna yaxın olacaqlar. İmkan daxilində onları bağışlamağı bacarın. Sevgidə ideal məqamlar yaşayacağınızı bəyan edən ulduzlar avqustdan etibarən ailə qurmağın düşərliliyindən xəbər verir.
Səhhətinizlə bağlı ciddi problemlər gözlənilmir. Şayiələrdən həyəcanlanmamalı, taleyinizə hökm verməyi bacarmalısınız. Yaradıcılıqda da az qala 5 ilin işini görəcəksiniz. Məşhurlaşma ehtimalınız da yüksəkdir. Bu il yaralı yeriniz olan mənzil problemləriniz də qismən həll olunacaq.

Balıqlar

İlin ümumi mənzərəsi 2025-ci il boyu hegemonluq etməyinizə səbəb olacaq. O qədər uğurlarınız olacaq ki, az qala bunun mümkünlüyünə inanmayacaqsınız. Azərbaycan mühitində bəxtiniz gətirəcək. Dostlarınızın sayı artdıqca fəaliyyətiniz də genişlənıəcək. Fevralın ortalarına qədər hisslərinizdə mövcud olan anlaşmazlq, eləcə də gərginlik sizi yormamalıdır. Maydan start götürən situasiyalar sizi böyük proseslərdə önə çəkəcək. Potensial imkanlarınız son 4 ildəkinin cəmindən daha çox olacaq. Müdafiəçilərinizin sayı durmadan çoxalacaq ki bu da genişmiqyaslı fəaliyyətiniz üçün böyük önəm daşıyacaq. Yazın sonunda qazancınız və fəaliyyətiniz ən yüksək pilləyə qalxacaq. İlan dinə meyilliliyinizi gücləndirdiyindən insanlarla münasibətlərdə daha səmimi və mərhəmətli olacaqsınız. İmkansızlara əl tutmağa, mənəvi dəstəyə ehtiyac duyanlara əlinizdən gələni əsirgəməyin. Ailə üzvlərinizə, qohumlarınıza qayğı göstərin. Belə olduqda ulu tanrı bütün arzularınızı reallaşdıracaq. 2025-ci il sevgi nemətini taleyinizdə aparıcı amilə çevirəcək. Qəribə də olsa ulduzlar toy vaxtınızı payızdan başqa bütün dövrlərdə münasib sayır. O demək deyil ki, payızda olmasın. 
Avqust ayı taleyinizdə böyük dəyişikliklər edəcək. Bunun müsbət, yoxsa mənfi istiqamətə yönəlməsi daha çox öz seçiminizdən asılıdır. 

Qeyd: Video yazıya Ölkə.az redaksiyası tərəfindən çevrilib.