Trampla bağlı qərar verildi

Nyu-Yorkda məhkəmə ABŞ-nin yeni seçilmiş prezidenti Donald Trampı maliyyə sənədlərini saxtalaşdırdığına görə məsuliyyətdən azad edib.

Ölkə.az “Qafqazinfo”ya istinadən xəbər verir ki, məhkəmə siyasətçini qeyd-şərtsiz azadlığa buraxıb. Bu o deməkdir ki, o, həbs, cərimə və sınaq müddəti ilə üzləşməyəcək. Bununla belə, hökm qüvvədə qalacaq.

Qeyd edək ki, bu, Trampı ağır cinayətdə ittiham olunaraq vəzifəyə gələn ilk ABŞ prezidenti edəcək. Onun andiçmə mərasimi yanvarın 20-də baş tutacaq. ABŞ Konstitusiyası cinayət keçmişi olan şəxslərin dövlət başçısı vəzifəsinə namizədliyini irəli sürməsini və ya vəzifə tutmasını qadağan etmir.